Fau pas èstre de Prouvènco pèr pas saupre co qu’es un tian. Lou tian proupramen di es un grand plat de terro, gaire founs e forço large, qu’en de païs que i’a noumon gaveto o grasau. Tout ço que l’on fa couire dins aquelo eisino (e, d’abitudo, couire au four), se noumo peréu tian. I’ a lou tian d’espinarc, lou tian de coucourdo, lou tian de sardino, lou tian de merinjano, de poumo, pero, etc. Mai lou tian, veritable, lou tian de Carpentras, es uno barbouiado d’erbo, coume bledo, espinarc, juvert o (...)