Lou Pelous di Quatre-Caire, à Caroumb, es un brave pepèi que, de sa vido vidanto, a jamai mes lou pèd foro de souri vilage.

Un jour, à força d’entèndre parla de Carpentras -- la vilo, coume dison -- de si bèus oustau, de sa carriero vitrado, de soun camin de ferre, ié prenguè l’envejo de poussa jusqu’aqui. E vague d’enrega lou camin de Mèso !

Ero pas à la granjo di Piboulo, lou bon vièi, que poudié plus se teni de faire tuba la pipa. Mai la bisa, se capitavo, boufavo à vous leva li tacho di sabato. Coume faire per atuba la pipa ? Sabès que lou meiour biais es encaro de se vira dòu coustat dòu vènt e de se faire uno sousto emé li dos man pèr apara la brouqueto... Ansin fai lou Pelous.

Lou cachimbau abra, lou tòti oublido qu’a vira lou quiéu à la vilo, e plan-plan s’adraio davans éu, revenant sus si pas sènso n’agué doutanço.

Quand arribo vers la Patino : Hòu ! fai, tè, siés tout-aro arriba.

Vaqui Carpentras sus lou serre ! Mai me sèmblo que me l’an bougramen vanta. E vese ges de diferènci emè Caroumb !

N’èi qu’en se vesènt davans soun oustau que coumprenguè que s’èro engana. Mai jamai a pouscu s’imagina coume acà s’èro passa.

Lire la traduction