Lou Pelous di Quatre-Caire, à Caroumb, es un brave pepèi que, de sa vido vidanto, a jamai mes lou pèd foro de souri vilage.
Un jour, à força d’entèndre parla de Carpentras — la vilo, coume dison — de si bèus oustau, de sa carriero vitrado, de soun camin de ferre, ié prenguè l’envejo de poussa jusqu’aqui. E vague d’enrega lou camin de Mèso !
Ero pas à la granjo di Piboulo, lou bon vièi, que poudié plus se teni de faire tuba la pipa. Mai la bisa, se capitavo, boufavo à vous leva li tacho (…)